महाराष्ट्र गृहनिर्माण क्षेत्र विकास प्राधिकरणाच्या (म्हाडा) मुंबई मंडळाने आता आपल्या मोकळ्या भूखंडांचा लिलाव करण्याची योजना आखली आहे. म्हाडाला जो सर्वाधिक ऑफर देईल त्याला जमीन दिली जाणार आहे. सर्व विभागीय अधिकाऱ्यांना त्यांच्या क्षेत्रातील उपलब्ध भूखंडांची माहिती देण्यास सांगण्यात आले आहे.
भूखंडाची माहिती मिळाल्यानंतर क्षेत्रफळानुसार त्याची किंमत ठरवली जाईल. किंमत ठरल्यानंतर लिलावाच्या जाहिराती दिल्या जातील. मुंबईतील विविध भागात म्हाडाचे अनेक भूखंड आहेत.
आरक्षित आहेत अनेक भूखंड..
मुंबईतील म्हाडाचे अनेक भूखंड शाळा, महाविद्यालये, रुग्णालये, क्रीडांगणे आणि मनोरंजनासाठी राखीव आहेत. मात्र, हे भूखंड वर्षानुवर्षे रिकामेच आहेत. कोणतेही बांधकाम होत नसल्याने मंडळाला दररोज अतिक्रमणासह समस्यांना सामोरे जावे लागत आहे. या समस्येला तोंड देण्यासाठी म्हाडाने आता आपले भूखंड अटींसह विकण्याचे नियोजन आखलं आहे.
भूखंडावरील आरक्षण सुरू राहणार..
म्हाडाच्या एका वरिष्ठ अधिकाऱ्याने दिलेल्या माहितीनुसार, या भूखंडाची विक्री झाल्यानंतरही आरक्षण कायम राहणार आहे. भूखंड घेणाऱ्यांना तो भूखंड आरक्षणाखाली वापरावा लागेल. भूखंडाच्या विक्रीतून मंडळाची आर्थिक स्थितीही सुधारू शकते. वास्तविक, गेल्या वर्षी मुंबई मंडळाने 4 हजार 82 घरांची लॉटरी काढली आहे. यावर्षी सुमारे दोन हजार घरांसाठी लॉटरी काढण्याच्या योजनेवर काम सुरू आहे.